Ish-sulmuesi i njohur spanjoll David Villa është emëruar zyrtarisht anëtar i Bordit të Drejtorëve të Atletico Madridit, pas miratimit të strukturës së re drejtuese të klubit.

Klubi madrilen konfirmoi se bordi i ri do të përbëhet nga 11 anëtarë. Enrique Cerezo do të vazhdojë të mbajë postin e presidentit, ndërsa Miguel Angel Gil Marin mbetet në rolin e drejtorit ekzekutiv.

Villa u shpreh i lumtur për rikthimin në klub, këtë herë në një rol drejtues. Ai theksoi se synon të ndihmojë në zhvillimin e mëtejshëm të klubit dhe në arritjen e sukseseve të reja në vitet e ardhshme.

Ish-sulmuesi spanjoll ka qenë pjesë e Atleticos gjatë sezonit 2013/14, kur skuadra madrilene fitoi titullin kampion në La Liga, një nga sukseset më të mëdha në historinë e klubit në dekadat e fundit.